மகாத்மா காந்திஜியின் கடைசி 144 நாட்கள் - வி.கல்யாணம்

k   g

மகாத்மா காந்திஜியின் கடைசி 144 நாட்கள்

வி.கல்யாணம்

செப்டம்பர் 9, 1947: கல்கத்தாவிலிருந்து டில்லி வந்தடைந்தார். அதற்குப் பிறகு அங்கிருந்து செல்லவேயில்லை. மேற்கு பஞ்சாபிலிருந்து அகதிகளாக வந்தவர்கள் ஹரிஜன் பஸ்தியில் தங்கியிருந்தனர். டில்லி வந்த காந்திஜி, மோட்டார் காரில் ஏறி, நேராக பிர்லா ஹவுஸ் (இப்போதைய காந்தி ஸ்மிருதி, காந்திஜிக்கான தேசிய நினைவிடம்) சென்றார்.
செப்டம்பர் 10: இடம்பெயர்ந்த மக்கள் தங்கியிருந்த முகாம்கள் மற்றும் ஜாமியா மிலியாவுக்குச் சென்று பார்வையிட்டார். லேடி மவுன்ட்பேட்டனும் வந்து பார்த்தார்.
செப்டம்பர் 11: இர்வின் மருத்துவமனையில் அனுமதிக்கப்பட்டிருந்தவர்களைப் பார்வையிட்டார்.
செப்டம்பர் 12: இடம்பெயர்ந்தவர்களைப் பார்வையிட்டார்.
செப்டம்பர் 13: இடம்பெயர்ந்தவர்களைப் பார்வையிட்டார். தனக்கு சிலை நிறுவ விரும்பியவர்களைத் தடுத்தார்.
செப்டம்பர் 14: மவுன்ட் பேட்டன் பிரபுவை சந்தித்தார்.
செப்டம்பர் 16: வால்மீகி கோயில் அருகே ஆர்.எஸ்.எஸ். ஏற்பாடு செய்த கண்காட்சியில் பங்கேற்றார். மவுன்ட்பேட்டன் பிரபுவை சந்தித்தார். ‘பாகிஸ்தான் இப்படியே தொடர்ந்து நேர்மையற்ற முறையில் செயல்பட்டால், இருநாடுகளுக்கும் இடையே போர் ஏற்படும்’ என்று தெரிவித்தார்.
செப்டம்பர் 17: மவுன்ட் பேட்டன் பிரபுவும் அவர் மனைவியும் காந்தியை சந்தித்தனர். கிஷான்கஞ்ச் தொழிலாளர் குடியிருப்பை பார்வையிட்டார். முந்தைய நாள் எச்சரிக்கையை மீண்டும் கூறினார்.
செப்டம்பர் 18: அசப் அலி இல்லத்தில் முஸ்லிம் தலைவர்களைச் சந்தித்தார். ‘இங்கே எனது பணி முடிவடைந்துவிட்டதால் பாகிஸ்தான் செல்லப் போகிறேன்’ என்றார்.
செப்டம்பர் 19: இந்து மதத் தலைவர்களுடன் விவாதம்.
செப்டம்பர் 23: இந்திய தேசிய காங்கிரஸ் செயற்குழு கூட்டத்தில் பங்கேற்றார்.
செப்டம்பர் 24: கூட்டம் தொடர்ந்தது. ஜாம் சாகிப் வந்தார். உடல்நிலை சரியில்லை.
செப்டம்பர் 25: கூட்டம் தொடர்ந்தது. உடல்நிலை சரியில்லாத நிலையிலும் மவுன்ட்பேட்டன் பிரபுவை சந்தித்தார்.
செப்டம்பர் 26: போரை நான் எதிர்க்கிறேன். ஆனால், பாகிஸ்தானிடமிருந்து நியாயமான நீதி கிடைக்கவில்லை என்றால், தவறுகளை பாகிஸ்தான் உணர்ந்து கொள்ள மறுத்தால், இந்தியா, பாகிஸ்தான் போர் தவிர்க்க முடியாததாகி விடும்’ என்று பேசினார்.
செப்டம்பர் 27: இந்திய தேசிய காங்கிரஸ் செயற்குழு கூட்டத்தில் பங்கேற்றார்.
செப்டம்பர் 30: யுனெஸ்கோ செல்லும் சீனக்குழுவினரை சந்தித்தார்.
அக்டோபர் 1: இந்திய தேசிய காங்கிரஸ் செயற்குழு கூட்டத்தில் பங்கேற்றார்.
அக்டோபர் 2: காந்திஜியின் பிறந்த நாள். ‘இந்த நாள், வாழ்த்துக்களுக்கான நாள் அல்ல. இரங்கலுக்கான நாள். நான் நீண்ட நாள் வாழ விரும்பவில்லை’ என்றார்.
அக்டோபர் 3: ‘இங்கே யாரும் என் பேச்சைக் கேட்பதில்லை’ என்றார்.
அக்டோபர் 11: இந்து பஞ்சாங்கத்தின்படி, இன்று காந்திஜியின் பிறந்த நாள். உண்ணாவிரதம் இருந்த அவரை சந்தித்த டில்லிவாழ் குஜராத்திகள் அளித்த பரிசுப்பொருளை (கைப்பை) வாங்கிக் கொண்டார்.
அக்டோபர் 19: மவுன்ட் பேட்டன் பிரவுவைச் சந்தித்தார். அடிசன் பிரபு (காமன்வெல்த் அமைச்சர்) மற்றும் அவரின் மனைவி வந்து காந்தியைப் பார்த்தனர்.
அக்டோபர் 25: சிறைக்குச் சென்று அங்கு வழிபாடு நடத்தினார். மரக்கன்று ஒன்றை நட்டார்.
அக்டோபர் 29: திலிப்குமார் ராய் சில பாடல்களைப் பாடினார்.
நவம்பர் 1: ஹோரேஸ் அலெக்சாண்டர் காந்தியை வந்து பார்த்தார்.
நவம்பர் 3: உணவுக்கட்டுப்பாட்டை விலக்குவதற்கு ஆதரவாக காந்திஜி பேசினார்.
நவம்பர் 8: மவுன்ட்பேட்டன் பிரபு மனைவி வந்து பார்த்தார்.
நவம்பர் 11: இந்திய தேசிய காங்கிரஸ் செயற்குழு கூட்டத்தில் பங்கேற்றார். பொதுமக்களின் ஒப்புதல் இன்றி, ஜுனாகாத் பகுதியை பாகிஸ்தானுடன் சேர்க்க அந்த பகுதியின் நவாப்புக்கு அதிகாரம் கிடையாது என்று காந்திஜி பேசினார்.
நவம்பர் 12: இடம்பெயர்ந்த மக்களுக்காக ரேடியோவில் உரையாற்றினார்.
நவம்பர் 20: ஓக்லா முகாமிலிருந்த இடம்பெயர்ந்த மக்களைச் சந்தித்தார். கவர்னர் ஜெனரல் தற்காலிக பொறுப்பிலிருந்த ராஜாஜியை சந்தித்தார்.
நவம்பர் 25: மவுன்ட்பேட்டன் பிரபு மனைவி மற்றும் கன்ஜி துவாரகதாஸ், காந்தியை சந்தித்தனர்.
நவம்பர் 27: பாகிஸ்தான் பிரதமர் லியாகத் அலி கான், மவுன்ட்பேட்டன் பிரபு, காஷ்மீரின் ஷேக் அப்துல்லா ஆகியோர் காந்தியை வந்து சந்தித்தனர்.
நவம்பர் 28: குரு நானக் பக்தர்களிடம் உரையாற்றினார்.
டிசம்பர் 4: பர்மா நாட்டின் பிரதமர் தகின் நுõ, காந்திஜியை சந்தித்தார்.
டிசம்பர் 11: தலிமி சங்கக் கூட்டத்தில் பங்கேற்றார்.
டிசம்பர் 12: ஹர்டிங்கே நுõலகத்தில் வர்த்தகர்களைச் சந்தித்தார்.
ஜனவரி 3: வாவெல் கேன்டீன் முகாமில் இருந்த இடம்பெயர்ந்தவர்களைச் சந்தித்தார்.
ஜனவரி 12: மத மோதல்கள் அதிகமாக நடந்ததால் கோபமடைந்த காந்திஜி, காலவரையற்ற உண்ணாவிரதப் போராட்டத்தில் ஈடுபடப் போவதாக அறிவித்தார். கவர்னர் ஜெனரல் மவுன்ட்பேட்டன் பிரபுவைச் சந்தித்தார்.
ஜனவரி 13: உண்ணாவிரதத்தைத் தொடர்ந்தார். மவுன்ட்பேட்டன் பிரபுவின் விருந்தை புறக்கணித்தார். எனினும், பிற அழைப்பாளர்களை பங்கேற்க அறிவுறுத்தினார்.
ஜனவரி 14: உண்ணாவிரதம் தொடர்ந்தது.
ஜனவரி 15: உண்ணாவிரதம் தொடர்ந்தது. தன் அறையிலிருந்தவாறு, ஒலிபெருக்கி மூலம் இறைவணக்கம் வாசித்தார்.
ஜனவரி 16: உண்ணாவிரதம் தொடர்ந்தது. ‘இந்தியாவிற்கும் பாகிஸ்தானுக்கும் இடையே அமைதி நிலவவில்லை என்றால் நான் வாழ விரும்பவில்லை’ என்றார்
ஜனவரி 17: உண்ணாவிரதம் தொடர்ந்தது. அவரின் உடல்நிலை பெரும் கவலையை ஏற்படுத்தியது.
ஜனவரி 18: எல்லா சமூகத்தினரும் அமைதியைப் பேணுவதாக உறுதியளித்ததை அடுத்து, மவுலானா ஆசாத் அளித்த ஆரஞ்சு சாற்றை அருந்தி, உண்ணாவிரதத்தை முடித்தார்.
ஜனவரி 20: இறைவணக்கத்தில் வெடிகுண்டு ஒன்று வெடித்தது.
ஜனவரி 21: குண்டு வீசியவர்களை மன்னிக்குமாறு கேட்டுக் கொண்டார்.
ஜனவரி 27: ‘காங்கிரஸ் நிலை’ குறித்து எழுதினார். அரசியல் அமைப்பாக இருக்கும் காங்கிரஸ் அதிலிருந்து விலகி பொதுமக்களுக்குத் தொண்டாற்றும் சமூக அமைப்பாக மாற வேண்டும் என்று அறிவுரை வழங்கினார். பக்தியார் சிஸ்தி தர்காவின் ஆண்டுவிழா கொண்டாட்டங்களில் கலந்து கொண்டார்.
ஜனவரி 29: ‘காங்கிரஸ் நிலை’யில் எழுதியதுபோல, காங்கிரஸ் சேவைப்படைக்கான அரசியல் அமைப்புச் சட்டத்தை வரைந்தார்.
ஜனவரி 30: தியாக நாள். பிர்லா ஹவுஸில் நடந்த மாலை நேர இறை வணக்கத்தில் பங்கேற்க சென்றபோது, நாதுராம் விநாயக் கோட்சேயால் சுட்டுக் கொல்லப்பட்டார்.


      மூலம்: www.mkgandhi.org